ქართული სპორტის მუზეუმი



ნიკოლოზ ცქიტიშვილმა ქართული სპორტის მუზეუმს საკუთარი მაისური უსახსოვრა

15 მაისს, ქართული სპორტის მუზეუმს საქართველოს კალათბურთელთა ეროვნული ნაკრების მოთამაშე ნიკოლოზ ცქიტიშვილი ეწვია და „გოლდენ სტეიტის" 20 ნომრიანი მაისური გადასცა, სადაც 2004-2005 წლების სეზონში თამაშობდა.

სპორტისა და ახალგაზრდობის საქმეთა სამინისტროში მდებარე მუზეუმს ასევე სტუმრობდნენ ახალგაზრდა სპორტსმენები და ლატვიელი ვეტერანი კალათბურთელები, რომლებიც საქართველოში რამდენიმე დღით ჩამოვიდნენ და ქართველ დამსახურებულ კალათბურთელებთან ამხანაგური მატჩიც გამართეს.

ნიკოლოზ ცქიტიშვილმა და ვეტერან სპორტსმენებთან ერთად მუზეუმში თავმოყრილი ექსპონატები დაათვალიერა: ქართველი სპორტსმენების მოგებული მედლები, ფასდაუდებელი თასები, სიგელები და სხვადასხვა ტიტულები.

სრულად ნახვა



ქართული სპორტის მუზეუმს ჩეხეთის რესპუბლიკის პარლამენტის დელეგაცია ესტუმრა

13 მაისს ქართული სპორტის მუზეუმსს ჩეხეთის რესპუბლიკის პარლამენტის დეპუტატთა პალატის მეცნიერების, განათლების, კულტურის, ახალგაზრდობისა და სპორტის კომიტეტის დელეგაცია ესტუმრა.

ჩეხი და ქართველი სპორტსმენების საქმიანი და მეგობრული ურთიერთობის პატივსაცემად, მუზეუმში მისული სტუმრებისთვის სპორტსაზოგადოება „შევარდენის“ ფოტოგამოფენა მოეწყო.

სპორტისა და ახალგაზრდობის საქმეთა სამინისტროში მდებარე მუზეუმში ჩეხ დამთვალიერებლებს თითქმის საუკუნისწინანდელ საფოსტო ბარათები, უნიკალური ფოტომასალას, სანოტო რვეულები, სამკერდე ნიშნები და ჟურნალ „შევარდენის" პირველი და უკანასკნელი გამოცემები გააცნეს.

ქართველებისა და ჩეხების სპორტულ კავშირს საფუძველი ჩაეყარა XIX საუკუნის მიწურულს, როდესაც ჩეხური ტანვარჯიშული საზოგადოება „სოკოლის“ წარმომადგენლების მიერ საქართველოში „შევარდენი“ დაარსდა.

სრულად ნახვა



ევროპის დღეზე მუზეუმმა ისტორიული ექსპონატები წარმოადგინა

10 მაისს ეთნოგრაფიულ მუზუმში დაგეგმილ ევროპის დღეზე „ქართული სპორტის მუზუმმა“ ისტორიული ექსპონატები წარმოადგენა.

დამთვარიელებლებისთვის გამოფენილი იყო სხვადასხვა სპორტის სახეობებში მოპოვებული ჯილდოები: ევრაზიის თასი კარატეში (2014 წ.), სიუდად დე ფინფას თასი (1976 წ.), საქართველოს ხელბურთელთა მიერ საფრანგეთში აღებული თასი „ფრანგული მამალი“ (1979 წ.), ჭადრაკში ევროპის ჩემპიონის ზ. აზმაიფარაშვილის თასი (2013 წ.) და სხვა.

ეთნოგრაფიულ მუზეუმში წარმოდგენილი ექსპონატების გასაცნობად მოსულ დამთვარიელებლებს შორის იყვნენ სტუმრები ჩეხეთის საელჩოდან, რომლებმაც მომავალში მუზეუმთან თანამშრომლობისა და ერთობლივი პროექტების განხორციელების სურვილი გამოთქვეს.

სრულად ნახვა



სპორტის მუზეუმი ევროპის კვირეულს უერთდება

2014 წლის 5-14 მაისს საქართველოში ევროპის კვირეული იმართება. ღონისძიების ფარგლებში 10 მაისს ეთნოგრაფიულ მუზუმში დაგეგმილ ევროპის დღეზე „ქართული სპორტის მუზუმი“ ისტორიულ ექსპონატებს წარმოადგენს.

დამთვარიელებლებისთვის გამოფენილი იქნება სხვადასხვა სპორტის სახეობებში მოპოვებული ჯილდოები: ევრაზიის თასი კარატეში (2014 წ.), სიუდად დე ფინფას თასი (1976 წ.), საქართველოს ხელბურთელთა მიერ საფრანგეთში აღებული თასი „ფრანგული მამალი“ (1979 წ.), ჭადრაკში ევროპის ჩემპიონის ზ. აზმაიფარაშვილის თასი (2013 წ.) და სხვა.

ევროპის კვირეულის მიზანია ევროკავშირსა და საქართველოს ევროინტეგრაციის საკითხებზე საზოგადოების ცნობადობის ამაღლება.

სრულად ნახვა



ზაზა ფაჩულიამ ქართული სპორტის მუზეუმს მაისური გადასცა

5 მაისს ქართული სპორტის მუზეუმს საქართველოს ეროვნული საკალათბურთო ნაკრებისა და ამერიკის ნაციონალური საკალათბურთო ასოციაციის კლუბ "მილუოკი ბაქსის" თავდამსხმელი - ზაზა ფაჩულია ესტუმრა.

სპორტისა და ახალგაზრდობის საქმეთა სამინისტროში მდებარე მუზეუმს კალათბურთელმა უსახსოვრა 27-ნომრიანი მაისური, რომლითაც „ატლანტა ჰოუქსში“ თამაშობდა.

ზაზა ფაჩულია ახალგაზრდა მომავალ სპორტსმენებსაც შეხვდა და მათთან ერთად დაათვალიერა სპორტის მუზეუმში დაცული უნიკალური ექსპონატები. სტუმრებს გიდობა ფონდის მთავარმა მცველმა ლილი ლომსაძემ გაუწია.

სრულად ნახვა



14 აპრილს ქართული სპორტის მუზეუმს ესტუმრნენ სლოვენიის განათლების,მეცნიერებისა და სპორტის სამინისტროს საერთაშორისო ურთიერთობების ხემძღვანელი ზორან ვეროვნიკი და სპორტული ინფრასტრუქტურის მდივანი დარკო რეპენსიკი.

სტუმრებმა მუზეუმს სამახსოვროდ გადასცეს სლოვენიის ოლიმპიური კომიტეტის სამკერდე ნიშანი ლონდონის ოლიმპიადაზე.

სლოვენიელი სპორტის ექსპერტები თბილისში 15-16 აპრილს გასამართ კონფერენციაზე “სპორტის სახელმწიფო პოლიტიკა: გამოწვევები და პერსპექტივა” დასასწრებად და გამოცდილების გასაზიარებლად ჩამოვიდნენ.

სრულად ნახვა



სპორტის საერთაშორისო დღესთან დაკავშირებით საქართველოს სპორტისა და ახალგაზრდობის საქმეთა სამინისტრომ თბილისში, კუს ტბის მიმდებარე ტერიტორიაზე მასშტაბური სპორტული ღონისძიება გამართა, სლოგანით „იცხოვრე სპორტით".

აქციის ფარგლებში კუს ტბის მიმდებარე ტერიტორიაზე გაიმარა სხვადასხვა სპორტული შეჯიბრები, მოეწყო საბავშვო კუთხე და საგამოფენო სივრცე.
"ქართული სპორტის მუზეუმმა" კუს ტბასთან შეკრებილი სტუმრებისათვის მუზეუმში დაცული ისტორიული ექსპონატები წარმოადგინა.

დამთვარიელებლებისთვის გამოფენილი იყო სხვადასხბა სპორტის სახეობებში მოპოვებული ჯილდოები: მაია ჩიბურდანიძის „ოსკარი“ (1984 წ.), კალათბურთის თასი III (1984 წ.), გურამ საღარაძის თასი თავისუფალ ჭიდაობაში (1963 წ.), თასი, რომელიც გადაეცა ვიტალი დარასელიას ქ. დიუსელდორფში (1981 წ.) და სხვა.

სრულად ნახვა



2014 წლის ევროპის ერთა თასისა და 2015 წლის მსოფლიო თასის ევროპული საკვალიფიკაციო რაუნდის ფინალური მატჩი - ქართველი ბორჯღალოსნები vs რუმინელი მუხები 15 მარტს მიხეილ მესხის სტადიონზე, თბილისის დროით 17:00 საათზე გაიმართება.

მატჩის დიდი მნიშვნელობიდან გამომდინარე რაგბის საერთაშორისო საბჭოსა და მსოფლიო თასის საორგანიზაციო კომიტეტის გადაწყვეტილებით, თბილისში სარაგბო სამყაროს ყველაზე მნიშვნელოვანი ტროფი - ვებ ელისის თასი ჩამოიტანეს. მსოფლიო თასი 12 მარტს 14:00-დან 18:00 საათამდე ქართული სპორტის მუზეუმში განთავსდა, სადაც რაგბის ქომაგებს თასის ნახვისა და ფოტოს გადაღების საშუალება ჰქონდათ.

სრულად ნახვა



სპორტისა და ახალგაზრდობის საქმეთა სამინისტროში 4 მარტს სპორტულ ჟურნალისტთა ასოციაციის წიგნის - „რამაზ შენგელია" პრეზენტაცია შედგა. ლეგენდარული ქართველი ფეხბურთელის მეუღლემ, ქალბატონმა ლია შენგელიამ პრეზენტაციის შემდეგ "ქართული სპორტის მუზეუმს" სახელგანთქმული თავდამსხმელის მაისური, ევროპის 21-წლამდელთა ჩემპიონატის ოქროს მედალი, ფოტოალბომები და არქივი აჩუქა.

„რამაზის ოჯახისთვის მისი ყველა პრიზი ძალიან მნიშვნელოვანია, თუმცა ვფიქრობ, ქართული სპორტის მუზეუმი ის ადგილია, სადაც ასეთი ნივთები უნდა ინახებოდეს. დარწმუნებული ვარ, რამაზიც ამავეს გააკეთებდა", - განაცხადა ქალბატონმა ლიამ.

სრულად ნახვა



სსიპ „ქართული სპორტის მუზეუმს“ 20 თებერვლას აშშ-ს პარაოლიმპიური ჩემპიონი ქენდლის ქემბლი და აშშ-ს საელჩოს კულტურის ატაშე ჯეიმს დიუ ესტუმრნენ, რომლებიც სსიპ „ბავშვთა და ახალგაზრდობის განვითარების ფონდის“ ორგანიზებით სპორტისა და ახალგაზრდობის სამინისტროს ეწვივნენ.

სრულად ნახვა